Kitobxonlar uchun haqiqiy xazina – dunyoning eng yirik va ajabtovur kitob do’konlari qanday ko’rinishda?

---

Kitobxonlar uchun haqiqiy xazina – dunyoning eng yirik va ajabtovur kitob do’konlari qanday ko’rinishda?

1.Powellʼs City of Books (Portlend, AQSH) — jahondagi eng ulkan kitob doʻkoni. Doʻkon maydoni 6300 kvadrat metr, javonlaridagi kitoblar soni esa 4 milliondan ortiq.

2.Barnes & Noble — AQSHdagi eng yirik kitob doʻkonlari tarmogʻi. Doʻkonda faqatgina kitoblar sotilib qolmay, balki noshirlik ishlari ham yoʻlga qoʻyilgan. Uning negizida esa birinchi internet-doʻkon paydo boʻlgan.

3.Waterstones Piccadilly (London, Buyuk Britaniya) — Yevropadagi eng yirik kitob doʻkoni maqomiga daʼvogar. Olti qavatli doʻkondagi kitob javonlarining uzunligi 13 kilometrni tashkil etadi.

4.Kitoblar uyi(Sankt-Peterburg, Rossiya) — “Kitoblar uyi” Peterburgning eng katta kitob doʻkoni boʻlib qolmay, balki shaharning noyob osori-atiqalaridan hisoblanadi. “Kitoblar uyi”ning sahni 4 ming kvadrat metrdan iborat.

5.Blackwellʼs (Oksford, Buyuk Britaniya) — Angliyada oʻquv adabiyotlarini yetkazib beruvchi asosiy kitob doʻkoni sanaladi. Hozirda uning 44 ta filiali bor. Angiyadan shunday gap ham yuradi: “Mabodo, biron bir kitobni hech qayerdan topolmasang, albatta, Blackwellʼs ga bor”.

6.Libreria El Ateneo Grand Splendid (Buenos-Ayres, Argentina) — 2000-yilga kelib, teatr binosi kitob doʻkoniga aylantirilgan. Bir paytlar parter, loja va balkon sifatida xizmat qilgan joylarda kitob stellajlarining turishi binoga oʻzgacha goʻzallik bergan.

7.The Bookworm (Pekin, Xitoy) — bu yerda siz kitob muqovalari koʻrinishidagi zinalardan koʻtarilib, katta maydondagi qizgʻin kitob savdosi ustidan chiqasiz.

8.Bartʼs Books (Oxay, Kaliforniya) — ochiq osmon ostidagi eng yirik kitob doʻkoni hisoblanadi. Doʻkonda savdo erkin tarzda amalga oshiriladi. Yaʼni bu yerdan istagan kitobingizni olasiz va oʻzingizga maʼqul toʻlov pulini kitob javoni tepasidagi kofe idishida qoldirib ketasiz.